"Magpahinga ka na muna, Storm. Sinabi naman na ng doctor na okay na siya. Kapag gumaling ang mga sugat n'ya sa likod ay makakabalik na siya sa regular n'yang ginagawa. Pwede na rin siyang iuwi bukas. May approval na ni doc." In-tap ni mommy ang balikat ko. "Kailangan kong umalis para asikasuhin sa The Alpha's town ang family ni Anais. Anak, ha. Magpahinga ka." Mahigpit nitong bilin.
"Susubukan ko, mommy." Hindi pa rin binibitiwan ang kamay ng dalagang mahimbing ang tulog.
Halos manginig ako sa takot nang makita ang dugo sa likod nito pagkatapos nitong mawalan ng malay. Mabuti na lang at mabilis kami ni Fift, nasalo namin siya nang mahimatay siya.
"Miss ma'am, magiging okay na rin ang lahat. Hindi ko hahayaan makalapit sa 'yo si Pamara at Janelski. Nagtatago na sila. Pero I'll make sure
