Obvious kung makatitig si Lola. Kaya napatayo si Storm at nagdahilan na kukuha ng tubig dahil may kailangan pa raw akong inumin na gamot.
Umupo si Lola sa tabi ko. Ginagap nito ang kamay ko.
"Anais, kumusta? Anong nangyari roon---"
"La, may mga bata po." Paalala ko agad dito. Tumango naman ang matanda.
"Marami akong tanong sa isipan ko, Anais. Mukhang kailangan mong magpaliwanag."
"Alam ko po, la. Pwede po bang ihanda ko muna ang sarili ko?"
"Sige, apo. Pero hindi matagal. Matanda na ako, baka hindi ko na mahintay. Kumusta ang pakiramdam mo?"
"Ayos na po, la. Lalo't alam kong malayo na tayo kina Janel at Pamara."
"Sana nga... sana malayo na tayo. Gusto ko nang tahimik na buhay para sa inyong mga apo ko."
"Ngayon, la, nangangapa pa ako. Hindi ko alam kung saan na tayo pupulutin. Pe
