"Ipagpa-umanhin mo ang ginawa naming pagpapa-DNA test ng walang pahintulot mo. Ito ang mga sample na ginamit namin." Inilabas ng ginang ang dalawang plastic na may dalawang kulay ng suklay. May nakasulat pang A at B. Sa A ay suklay ni Andeng. Tapos ang B ay suklay ko.
"Kinuha n'yo po ang mga suklay sa bahay?"
"Pasensya na, hija. Hindi kami tiyak sa dalawang suklay. Kaya naman pareho na naming kinuha. Ang tiyak lang namin ay isa rito ang suklay mo." Magkakaiba kami ng suklay sa bahay. Iyong suklay na ginagamit ni Tempest at Elio ay iyong pambata na may design. Regalo iyon ni Lola Paula sa kanila.
"Ito pong pula na may tatak na A ay kay Andeng. Ito naman pong B ay sa akin." Turo ko sa dilaw na suklay.
"Okay. Let's check iyong result ng letter b." Ako na ang nagbukas ng envelope na iniabo
