"Ano iyang mga iyan?" takang tanong ko kay Storm nang huminto kami sa bukana ng mansion. May dalawang truck na wari'y naghihintay sa amin dahil paghinto namin ay bumaba iyong mga tao sa dalawang truck.
"Ready na po, sir. Hinintay lang po namin kayo para maituro sa amin ang location."
"Sure. Sumunod kayo sa amin." Umabante si Storm saka lumiko. Ang daang tinatahak nito ay patungo sa barrio.
"Ano iyon, sir?" tanong ko. "Anong meron?"
"Pumayag si mommy na magpalagay kami ng playground sa barrio."
"Ha? Bakit?" takang ani ko.
"Para may playground na ang mga bata sa barrio."
"Storm!"
"What? Tutol ka ba sa ikasisiya ng mga bata sa barrio?" parang bumaliktad, parang ako pa ang kontra at masama.
"Hindi ako tutol. Buti sana kung bukal sa dibdib mo."
"Of course. Bukal na bukal sa dibdib ko
