CHAPTER 54
Marahan na ipinarada ni Paul ang kanyang sasakyan sa kanilang garahe. Pasado alas diyes na ng gabi at kakauwi niya lang mula nang umalis siya kaninang umaga.
He was still on leave. Isang linggo nga ang ginawa niyang bakasyon mula sa mga trabaho sa Health Well Company upang masamahan niya ang kanyang asawa. Nais niya itong bantayan at alagaan matapos ng nangyaring pagdurugo nito nang isang araw. Gusto niyang siguraduhin na maayos ang kanyang mag-ina.
Sa kabila ng pinapakita nitong kalamigan sa kanya ay hindi niya ito susukuan. Hindi siya hihinto sa panunuyo dito hanggang sa muli ay makuha niya ang loob ni Beatrice.
Alam niya na malaki ang kasalanan niya sa kanyang asawa. Aminado naman siya roon. Kaya naman nais niyang bumawi dito. Hindi siya magsasawang iparamdam dito kung ga
