CHAPTER 55
Marahan na nahiga sa kanyang tabi si Paul habang ang mga mata nito ay nanatiling nakatunghay lamang sa kanyang mukha. Maraming katanungan ang nababanaag niya sa mga mata nito ngunit hindi rin nakaligtas sa kanya ang kaligayahan na agad ay rumihestro doon.
"Do you mean it?" tanong nito sa kanya. "O dala lang ba iyan ng katatapos pa lang na maganap sa ating dalawa?"
Beatrice smiled at him lovingly. Siya naman ang masuyong humaplos sa pisngi nito bago nagsalita.
"I love you, Paul," she said in a very soft voice. "God knows, how much I love you."
"Beatrice..."
"Bakit hindi mo sinabi sa akin ang tungkol sa lahat?" agap niya dito. "Nanggaling dito si Kuya Jake kanina at sinabi niya sa akin ang tungkol sa naging kasunduan niyong dalawa. Bakit hindi mo agad sinabi sa akin at---"
