CHAPTER 56
Hapon nang sumunod na araw ay magkasama sina Beatrice at Paul na nagtungo sa bahay ng kanyang Kuya Jake. Dahil sa naka-leave pa rin naman ang kanyang asawa mula sa trabaho nito sa Health Well Company ay nagpresinta na itong samahan siya sa pagdalaw sa kanyang nakatatandang kapatid at sa pamilya nito.
Napagdesisyunan niya nga na magtungo sa bahay ng mga ito upang kausapin nang maayos at personal ang kanyang kuya. Nang araw na magtungo si Jake sa kanilang bahay ay sinabi nga nito sa kanya ang lahat tungkol sa naging pag-uusap nito at ni Paul noon.
Pinakinggan niya ang lahat ng mga sinabi ni Jake. And she believed him at once. Naramdaman niya ang pagnanais ng kanyang kapatid na maayos ang pagsasama nila ng kanyang asawa. Naramdaman niya ang pagnanais nitong makabawi sa kanya sa
