MAAGA akong nagising dahil na rin may kailangan pa akong aralin, need kong mag-advance lesson. Kailangan ko kasing mag-aral para worth it ang pagpapaaral sa akin ni daddy Ryde. Nakita ko ang mahimbing niyang pagkakatulog habang yakap ang body pillow namin.
Napangiti ako nang dahil doon. Hinalikan ko ang kanyang noo. Tinitigan ko pa siya nang matagal bago umalis sa kama. Hindi ko nasabi sa kanya na nakita ko si Liam kahapon sa campus. Kapag kasi sinabi ko sa kanya, paniguradong magagalit siya at baka ilipat pa niya ako ng university. Ayaw ko namang mangyari iyon dahil may mga kaibigan na ako.
Pumasok na ako sa bathroom at naligo na rin ako. Ayoko namang magbabasa ako na inaantok, kaya maliligo na ako para magising ang diwa ko. Laking pasasalamat ko na may heater ang shower sa bathroom ni
