NAKAUWI na rin kami sa bahay at eksaktong na sa dining table na si ate Grace. “Good evening, ate Grace!” bati ko sa kanya at binaba ang supot na hawak ko. “Dumalaw po kami sa business ni Kuya Prince, ate Grace. Nag-take out po kami para sa inyo. Sobrang sarap po ng carbonara nila.” Dagdag na sabi ko.
“Oh my, hulog ka ng langit, Isla!” Malakas na sabi ni ate Grace at parang hindi naniniwala na may dala kaming pagkain. “Kasi kung sino Kuya lang ang pumunta roon, walang bitbit iyan pag-uwi. Ngayon ko lang naalala na kasama ka pala niya. Nagbabago na talaga si Kuya Ryde, sana maging si Kuya Rayder rin ay ganoʼn din. Anyway, thank you rito! Ate Cindy,
Ate Lotlot, Kuya Arturo and ate Cess, may pasalubong po tayo! Kumain na rin po kayo!” Malakas na tawag ni ate Grace sa mga kasambahay nila.
