NAPALINGON ako sa aking likod nang marinig ko ang boses ni Nicole na pumapahapyaw na sa pag-iyak.
“Nasaan ako! Pakawalan niyo ko! Hindi mayaman ang magulang ko!” Malakas niyang sabi, paulit-ulit.
Gusto kong makita si Nicole pero ang aking kamay ay nakatali sa itaas, hindi ko magawa na makita siya. “N-nicole... Nicole, stay calm, okay?” Pagpapakalma kong sabi sa kanya, kahit maging ako ay nanginginig na rin sa takot.
“Isla, i-ikaw ba iyan? N-nasaan tayo? N-naalala ko lamang ay nasa banyo tayong dalawa t-tapos d-dumating iyong Liam... T-then, hindi ko na maalala kung ano ang nangyari sa atin. Then, heto na... Heto na ang nakita ko, n-nakatali na ang kamay, Isla.” Bakas sa boses niya ang pag-aalala.
“Sshhh... M-makakaalis din tayo, Nicole. Tatagan mo ang loob mo, makakalabas at makakaalis
