NGAYON ang araw ng pag-alis namin papunta sa Manila. Isang maleta at isang backpack ang dala ko. Huwag na raw kasi akong magdala ng maraming gamit dahil bibilhan daw ako ni Mister Ryde roon, nahiya nga ako.
“Isla, wala ka na bang naiwan? Kahit ano? Iyong sa school mo? Iyong gagamitin mong documents? Lahat ba nadala mo?” pagtatanong ni Mama sa akin.
Si Mama ang nag-asikaso ng mga school documents ko para sa akin. Kasi nagta-trabaho pa rin ako para iyong sasahurin ko ay sa kanila na mapunta.
Tumango ako sa kanya. “Nasa plastic envelope na po, Mama. Iyon po ang unang tinabi ko para hindi ko rin makalimutan. Mamimiss ko po kayo pero lagi kong iisipin na ginawa ko ito para maka-graduate ako at matulungan ko kayo. At saka po, may facetagram naman po pwede tayong mag-video call gamit iyong p
