“Steffie, may gustong kumausap sa iyo,” wika ni Orly nang dumating sila sa bahay.
Nasa kumpanya ngayon si Drake para kumustahin ang bagong produkto nila kaya kahit malapit na ang kasal namin ay pumunta pa rin siya.
“Sino?”
Lumingon siya sa labas at nakita kong papalapit sa amin si Tara.
“Steffie…”
Wala akong reaksyon ng makita ko siya.
“Steffie, gusto ka niyang makausap ng personal,” wika ni Orly.
Tumango ako. “Sige.”
“Nandito lang ako nakabantay sa iyo.” Tumalikod si Orly at lumayo ng bahagya sa aming dalawa.
Umupo si Tara sa sofa. “Steffie, nandito ako para humingi ng tawad sa iyo.” Nagsimula ng tumulo ang luha niya.
“Tara…”
“Pareho tayong nalinlang noon. Ang buong akala ko isang tao lang ang Dylan na nakilala ko at si Dylan na kasama mo.” Tumulo ang luha niya.
Kaya pala na
