WAKAS
Sabi nila, kung may isang bagay kang hinding-hindi matatakbuhan ay ‘yon ay ang iyong kapalaran; na kahit ilang milyong milya pa ang takbuhin mo, kung saang lupalop ka pa man ng mundo magtago ay maabutan at maabutan ka pa rin nito. Gaya na lang ng nangyari sa akin.
Kung kailan tinanggap ko na panghabambuhay kong ililihim sa anak ko kung sino ang ama niya ay siya namang paggalaw ng tadhana para muli kaming pagtagpuin. Gamit ang ama ni Thadeus bilang instrumento ay dahan-dahang pinaglapit ang minsang nagkalayo naming mga landas. At kung kailan buo na ang desisyon kong tumakbo at itago ang anak namin ay siya namang pagtibók ng puso ko dahilan para hindi ako makalayo.
Tunay ngang mahiwaga ang tadhana.
Paglalaruan ka nito’t pahihirapan ngunit gagamtimpalaan din sa huli. At ngayong ara
