Hindi talaga matahimik ang kaluluwa ni Anna dahil madalas niya akong sitahin sa mga ginagawa ko kaya naman hindi ko hinahayaan na manalo na lang siya sa iringan naming dalawa. Matagal kong naging kaibigan si Claudia at siya ang nag-impluwensya sa akin sa pagpatol sa mga ganito. Sanay na rin ako sa basher kaya normal lang sa akin na hindi ako magustuhan ng lahat lalo na itong si Anna, isa pa hindi ko rin naman siya gusto kaya wala akong pakialam kung mainit ang dugo niya sa akin.
Nang mag-break time naman ay inaya ako ni Maureen na kumain na pero dahil hindi ko pa nakikitang lumalabas si Jacob sa opisina niya ay pinauna ko na si Maureen at sinabi ko sa kaniya na susunod na lang ako roon. May pumasok kasing isang lalaki sa office ni Jacob kanina makalipas ang isang oras na at mukhang seryos
