Hindi maalis ang ngisi sa mukha ko habang nagtatrabaho dahil naaalala ko pa rin kung paano pinagalitan ni Jacob si Anna kanina. Alam kong nakakahiya iyon sa part niya dahil napagalitan siya ng taong pinagpapantasyahan niya at tama lang ang ginawa kong pagsumbong para mawalan siya ng confident na lumantod kay Jacob.
Inabala ko na lang ang sarili ko sa ginagawa at unti-unti na nga akong natututo roon. Nasa kalagitnaan ako ng ginagawa nang lumapit sa akin ni Karen kaya nag-angat ako ng tingin sa kaniya.
"P-pinapatawag ka ni Architect," sabi nito at nautal pa kaya kunot noo ko siyang tinignan.
Agad naman nag-iwas ng tingin si Karen kaya hindi na ako nagsalita pa at tumayo na lang. Chineck ko rin ang phone ko bago umalis doon pero wala naman akong nakitang text ni Jacob kaya nagkibit na lang
