Ilang araw ang lumipas at ganoon lagi ang natatanggap ko mula kay Jacob. Paminsan-minsan naman ay dalawa kaming nakakatanggap ni Mira ng regalo mula sa kaniya at gustuhin ko man siyang pigilan doon ay alam kong hindi naman siya titigil kaya hinayaan ko na lang. Pakiramdam ko tuloy ay nililigawan niya kaming dalawa ni Mira.
“Aria, wait.”
Napahinto ako nang tawagin ako ni Jacob nang matapos kong i-serve ang in-order niyang pagkain. Muli naman akong bumaling sa kaniya at bahagyang tinaas ang dalawang kilay na para bang nagtatanong sa kaniya kung bakit niya ako tinawag.
“Can I invite you at my house tonight? Isama mo si Mira,” sabi niya pagkatapos ay nagkibit ng balikat.
“And also your adopted child. Ano na nga ang pangalan niya?” tanong niya nang muli siyang nagsalita.
Bahagya naman akon
