Hindi pa rin makapaniwala si Claui na naroon si Wilbert at kitang-kita ko ang pamumula ng mukha niya dahil sa kilig kaya natatawa na lang ako sa kaniya. Si Wilbert naman ay kahit gulat din ay umarte na parang wala lang iyon sa kaniya at nakipag-usap lang kay Daddy habang naghihintay na pumasok kami loob ng eroplano.
"Seryoso ba 'to? Gaga ka!" tanong ni Claui at hindi matigil ang pagpisil sa kamay ko.
"Ganda mo, Ate Claui. Talagang pumunta siiya makasama ka lang," pang-aasar naman na sabi ni Ayana kaya mas lalo akong napangisi.
"Gaga! Hindi rin alam niyan na kasama ako at kung nalaman niya na kasama ako baka hindi tumuloy 'yan," tuloy-tuloy na sabi ni Claui at kahit na kinikilig ay bumabalik na rin unti-unti ang pagiging makapal niya ng mukha.
"Hindi niya nga alam at sinurpresa namin ka
