Sa gabing 'yon ay tuwang-tuwa naman kami ni Jacob dahil kitang-kita naming dalawa ang pagkadismaya ni Claudia. Talagang umasa siya na makakasama sa amin si Wilbert at ngayon ko lang napatunayan na may gusto nga talaga siya sa kapatid ni Jacob.
"Sigurado akong magugulat 'yan bukas kapag nakita niyang kasama si Wilbert," sabi ko habang nagsusuklay ng buhok.
Naligo na kasi ako ngayong gabi para bukas ng umaga ay hindi na dahil kapag dating naman namin sa Boracay ay siguradong maliligo kami kaagad, isa pa ay maaga raw kami bukas kaya para hindi na ako magtagal ay iniligo ko na lang ngayon.
"Si Wilbert din. Ang alam niya ay tayo lang at ang family mo ang naroon," natatawang sagot naman sa akin ni Jacob
Nagtawanan naman kaming dalawa dahil sa kalokohan naming dalawa. Alam naman ni Wilbert na
