ARIA'S POV
Ramdam ko ang panlalambot ng katawan ko at pilit ko mang buksan ang mga mata ko ay hindi ko magawa. Tanging boses lang ng mga taong naroon ang naririnig ko at gusto ko na lang maiyak dahil nagtataka ako kung ano ang nangyayari sa akin.
"Ang sabi ni Nikolai, baka gumising na raw siya ngayong araw."
"Magdadalawang araw na siyang tulog at natatakot ako na baka magtagal pa 'yon."
"Hindi 'yan. Kilala ko si Aria at alam naman nating sobrang tapang niyan."
Iyon ang mga naririnig kong usapan sa paligid ko at pilit kong inalala ang maaaring nangyari sa akin lalo na at narinig kong magdadalawang araw na raw akong tulog. Boses ni Ate Alexa at Claudia ang naririnig ko roon at nang maalala ko ang nangyari ay pilit kong idinilat ang mga mata ko.
Kahit mahirap ay nagawa ko naman 'yon. Na
