Sa dressing room ko ako agad dumiretsyo at gustuhin ko mang manatili roon kasama si Jacob ay hindi ko magawa dahil nanghihina nga ako. Pakiramdam ko ay anytime ay pwede akong matumba roon at kahit may nararamdaman na bukol sa lalamunan ay pinilit kong ngumiti sa mga taong naroon.
"Kumusta naman ang New York, Miss Aria? Hindi mo ba namimiss?" tanong sa akin ng make up artist ko na naroon.
"Ayos naman. Syempre namimiss ko dahil maraming bagay na meron doon na wala rito sa Pilipinas," sabi ko pagkatapos ay ngumiti.
Pinilit ko na lang ang sarili ko na maging maayos doon dahil last na trabaho ko naman iyon ngayon kaya pagbubutihin ko na lang para hindi na ako magtagal doon. Nakipagkwentuhan lang ako sa mga staffs na naroon at may iilang artista naman ang dumadalaw sa akin sa dressing room.
