Tulad nga ng sinabi ni Jacob sa gabing 'yon ay pinaligaya na naman niya. Mabuti na lang din ay natapos kami nang bumalik sila Claui at Wilbert. Nagkayayaan pang uminom muna ng wine bago kami matulog dahil masyado pa namang maaga.
"Kailan ka babalik sa work mo?" tanong ni Claui sa akin habang abala ang dalawang magkapatid sa pinag-uusapan nila.
"Sa Monday na rin. Hindi naman ako pwedeng magkulong na lang dito kapag umalis ulit si Jacob," sagot ko naman pagkatapos ay nagkibit ng balikat.
Saturday bukas kaya nga kami gagala sa Tagaytay bukas at sa Sunday naman ay hindi ko pa alam ang gagawin ko. Baka yayain ko na lang din kumain ang mga kapatid ko sa labas bago ako tuluyang bumalik sa trabaho ko dahil sigurado akong mauubusan na naman ako ng oras para sa kanila.
"So, hindi ka makakapapunt
