Napatingin ako sa relo ko kung saan ako kumukuha ng lakas ng loob kanina pa pero habang tinitignan kong lumalalim ang gabi ay mas nawawalan ako ng oras. Hindi na kami mapupuntahan ni Jacob ngayon dahil nga abala siya sa party kasama ang Architect niya. Wala na tuloy akong magawa roon kung hindi mapabuntonghininga na lang.
"Kuya," tawag na naman ni Claui sa dalawang lalaki na nagbabantay sa amin.
Sabay namang napatingin ito sa gawi namin kaya napahugot na lang ako muli ng malalim na hininga dahil kanina pa nakikipag-usap si Claui sa mga kidnappers na ito.
"What are you guys doing for a living? Nangk-kidnap lang tapos mag-ask for a ransom? What else?" tanong ni Claui kaya bahagya akong napatingin sa kaniya dahil hindi ko inaasahan na tatanungin niya 'yon.
Nagkatinginan lang naman ang dal
