"Hindi pwede 'to!" galit na sabi ni Mommy nang sabihin ko sa kanilang lahat ang nangyayari sa amin ni Jacob.
Alam kong hindi ko dapat sinasabi 'yon sa kanila dahil problema naming mag-asawa 'yon pero alam ko rin naman na hindi nila ako tatantanan sa pagtatanong. Hindi naman buong detalye ang sinabi ko sa kanila, ang tanging sinabi ko lang ay nahuli kong may babae si Jacob sa site at nagkausap kami na maghiwalay.
Hirap na hirap ako at pagod na pagod pero pinipilit kong maging matatag sa harapan nilang lahat. Pinakiusapan ko rin si Daddy na 'wag na gumawa ng kahit ano laban kay Jacob dahil hindi ko makakaya kapag ganoon. Kahit naman pagbaliktarin namin ang mundo ay hindi pa rin namin maipagkakaila na si Jacob ang ama ng pinagbubuntis ko ngayon.
"Ang concern ko na lang ngayon ay ang baby
