"Ano na naman ang nakain mo at pati ako dinamay mo sa kalokahan mo, Via?" tanong sa akin ni Aiden nang tawagan ko siya.
Ipinaalam ko kasi kaagad sa kaniya ang tungkol sa sinabi ko kay Jacob kanina sa shop para naman aware siya sa mga kasinungalingan nanasabi ko kanina.
"Basta, sakyan mo na lang okay? Mahirap na dahil ayaw ko namang magpaligaw," pagpapalusot ko namang sabi sa kaniya.
Sa tuwing may magpapakilala kasi sa akin ay sinasabi ko madalas na may asawa at anak na ako para hindi na ako lalapitan pa ulit ng mga ito. Sanay na rin naman si Aiden dahil madalas kong ginagawa iyon.
"Bakit kasi hindi mo na lang sabihin na single mom ka," sabi naman sa akin ni Aiden.
"Nasabi ko na nga hindi ba? Isa pa hindi ko naman diretsyang sinabi na ikaw ang asawa ko kaya huwag ka ngang praning diya
