Ilang araw ang lumipas at ganoon pa rin ang nangyayari. Laging naroon si Jacob sa shop at paminsan-minsan ay kasama niya ang dalawang magkapatid na si Henry at Flinn. Hindi ko naman siya pinapansin at hindi pinapakinggan ang mga sinasabi niya. Madalas nga ay si Aiden na ang naghahatid ng pagkain sa table nito dahil ayaw kong magkaroon na naman kami ng interaction.
Sa totoo lang ay muli na naman akong nahirapan simula nang magtagpo kami rito ni Jacob. Nagsimula na naman akong mahirapan matulog sa gabi at nagsimula na naman akong mag-isip nang kung ano-ano hanggang sa namamalayan ko na lang ang sarili kong umiiyak. Hindi ko ba maintindihan ang sarili ko pero tingin ko ay hindi nakabubuti sa mental health ko si Jacob.
"Tawagan mo na lang ako kapag may kailangan ka ha? Papupuntahin ko na lan
