“Naku naman! Napaka-pogi talaga ng boyfriend mo, Astrid!” Nangingibabaw ang boses ni Tita Bella habang nagkukuwentuhan kami.
Nandito kami sa ngayon sa terrace kasama ang iba ko pang tiyahin at mga pinsang babae na dumayo ng kuwentuhan. Mayroon ding nakahaing ilang maiinom pero sila lang ang umiinom, nakikisali lang ako sa usapan at kung minsan ay nakikidampot ng pulutan.
“Naku, tita. Hindi po—” Bago pa ako makasagot ay nagkantiyawan na silang lahat.
“Magaling pumili itong si pinsan. Aba, napakagandang lalaki ba ga naman nang nabingwit e!” saad agad naman ni Ate Myla, pinsan ko.
Pulang-pula na ang mga mukha nila habang panay ang bungisngis at maiingay na rin tanda na pare-pareho nang nakainom. Dito kasi sa amin ay kahit mga babae umiinom din, mas malalakas pa ngang uminom kaysa iban
