“Tiya Carmen? Tiya Carmen!” Kasalukuyan akong nagpapahinga sa kuwarto nang marinig kong may tumatawag sa labas.
Dahan-dahan akong lumabas ng kuwarto at katahimikan ang sumalubong sa akin. Mag-isa lang ako rito sa bahay, ang nanay ko ay nasa kanyang kumare at maagang umalis kanina. Sa kalapit na bayan lang din naman iyon at doon din daw siya matutulog mamaya dahil dumating ang isa nilang kaibigan kaya may mini reunion silang magkukumare.
Sina Phoenix naman at ang tatay ko ay wala pa hanggang ngayon na ang sabi ay bibili lang ng karne. Magtatanghalian na ay hindi pa rin sumusulpot. Saan kayang lupalop nakarating ang dalawang iyon?
“Tiya Carmen? Tao po!” ani muli ng boses babae sa labas.
Pagsilip ko sa pinto ay isang hindi pamilyar na babae ang bumungad sa akin. Sa tingin ko ay hindi n
