“Bumaba ng 8% ang sales natin nitong magkasunod na buwan, Ate Astrid. Hindi ba last month din nag-pull out ‘yong eatery sa Candelaria. Sa mga canteen ay isa sila sa malalakas kumuha sa atin ng karne. Nakakuha raw ng medyo mababa ang bigayan ng presyo.”
Nakaharap ako sa laptop habang may katabi rin na maliit na notebook para isulat ang mga nire-report ni Jayson. Noong makatapos sa college sa kursong business management ay sa amin na siya nagtrabaho, at siya na ang katu-katulong namin. Siya ang nagsisilbing assistant ng mga magulang ko sa business ngayon na nandito ako sa Maynila. Siya lang ang direktang mag-re-report sa akin para malaman ko rin kung ano ang nangyayari.
Maya-maya pa naman ako susundo kay Skye kaya may oras pa para makipag-usap sa pinsan ko. At habang may ginagawa rito ay
