“Mag-ingat kayong dalawa. Dahan-dahan ang pagmamaneho, Phoenix ha? ‘Wag na makipagsabayan sa mga sugapang driver!” sabi ni Mama at hindi ko na mabilang kung ilang beses niya itong pinaalala kanina habang nasa loob pa lang kami ng bahay at ngayon na nandito na sa labas, sa tapat ng sasakyan.
“Tumawag kayo kapag nakarating na kayo ro’n,” dugtong na saad pa niya.
Napapangising pinisil ko ang braso ng aking ina kung saan nakaabrisyete ako. “Maynila lang naman ang pupuntahan namin, ‘nay. At uuwi rin po mamaya.”
Sa dami ng paalala ay akala mo naman ay kung saang lupalop kami pupunta at hindi na uuwi.
Pumalatak lang ang aking nanay. “Ah, basta. Mag-chat o tumawag kayo rito.”
Napangisi na lang ako at nag-angat ng tingin kay Phoenix na napapangiti rin. Lumapit siya sa akin at hinawakan ako
