“Ako na sana r’yan, Astrid hija!” Napahinto ako sa paghahalo ng meat sauce nang biglang dumating si Nanay Josephine na halatang bagong ligo dahil basang-basa pa ang buhok.
Nakangiting sinulyapan ko naman siya. “Okay lang po, ‘Nay. Pambaon po ito ng mga bata.”
Lunes na kasi ulit, ibig sabihin ay may pasok na ulit ang mga bata. Wala pa yatang alas kuwatro kanina ay gising na ako dahil hindi na ako makatulog kaya bumangon na rin ako at nagpasya na lang na maghanda ng babaunin nila. Magluluto ako ngayon ng baked macaroni. Dinagdagan ko na dahil pababaunan ko rin si Phoenix sa opisina.
“Oh siya, sige. Ipagtitimpla na lang kita ng kape. May gatas ba ang gusto mo?” ani ng matanda bago dumaan sa likod ko para kumuha ng mga tasa.
Hindi na rin ako humindi pa dahil hindi pa nga ako nagkape si
