“Oh, bakit hindi n’yo na kasama si Jordan? Kaawaan ng Diyos.” Nagmano agad ako sa mga magulang ko na sinalubong kami rito pa lang sa terasa ng bahay. Ang pinsan ko naman na siyang kasabay ko pag-uwi ay ipinasok na ang ilang pinamili sa loob.
Alas singko na kami nakarating dito sa bahay. Wala naman nang traffic kapag nakalampas ng Maynila kaya mabilis lang ang naging biyahe.
“M-may aasikasuhin pa pong iba, ‘nay. Eksakto naman na lumuwas din ng Maynila ang Kuya Marvin.” Wala na akong planong sabihin pa sa kanila ang totoong dahilan. Paano pala kung nagkamali ako. Idadamay ko pa ang mga magulang ko sa maling paghusga ro’n sa tao. At ang kakaibang kutob ko ay sasarilinin ko na lang.
“Akin na ito para makapagpahinga ka ro’n sa loob.” Kinuha naman ng aking tatay ang tatlong box ng pizza na
