“You behave here, sweetheart. Okay?”
Ngayon ang unang araw ng pasok ni Skye sa school. May isang linggo na rin kami noong nakalipat dito sa Maynila. Minadali ko na ang paglilipat para maasikaso naman ang sa school niya. Eksakto nga na aabot sa start ng klase si Skye. Pakiramdam ko nga ay ako pa ang mas excited sa kanya, na para bang ako ‘yong papasok sa paaralan.
“Makikinig kay teacher at ‘wag makikipag-away sa classmate.” Nandito pa kami sa loob ng kotse. Alas otso ang start ng klase nila at mayroon pa kaming kulang na thirty minutes.
Inaayos ko ang pagkakabutones ng suot niyang uniform. Bago pa lang niya isinusuot ay parang puputok na agad sa bandang tiyan niya. Sky blue ang kulay ng polo nila tapos itim na shorts na umaabot hanggang tuhod.
“Why aren’t you answering me, sweethear
