Nababaliw na nga talaga ako. Hindi ako makapaniwala sa nakikita ng dalawang mata ko. Patuloy ako sa pagluha habang nakatingin kami ng multo ni Lance sa isa’t isa.
Nagulat ako nang biglang bumukas ang pinto ng kwarto at pumasok sina Melai sa kwarto karga si baby Josh kasama na sina Trevor, Kian, Jake, Tracie at.. Katie? Pati na si Brenn ay kasama niya.
Napaawang ang bibig ko nang makita ko silang lahat. Hindi maproseso ng isip ko ang lahat ng nangyayari ngayon. Isa lang ang nanaig na tanong sa isipan ko.
Anong nangyayari?
“Alena, say yes!” Sigaw ni Kian sa akin.
“Dali na, Alena! Naghihintay si Lance, oh!” ngiti sa akin ni Trevor.
Para akong tanga na imbis na sumagot ay mas lalo lang na umiyak ng umiyak. Napatakip pa ako sa bibig ko gamit ang dalawang kamau ko. Natawa naman si Lance ka
