(Dominic)
“HINDI naman ganyan, eh! Ano ba ‘yang pagkakatahi mo diyan sa may bandang sleeves, Nic? Bako-bako naman, eh!” natatawang sinabi ni Haylee sa akin habang abala kaming pareho dito sa sahig sa sala ng bahay nila, nakaupo at nagkukutinting ng mga tela para sa costumes.
Natawa na lang din ako. “Ah, hindi ba ganito?”
Ano ba namang malay ko sa pagtatahi? Eh, car racer ako eh!
“Oo! Akin na nga lang ‘yan! Ako na diyan sa pagtatahi. Gupitin mo na lang yung mga silk.”
Tumango ako saka sumunod sa instructions niya. Madam knows best, eh, ika nga.
Hindi namin namalayan ang oras hanggang sa maghapon na pala dahil tuloy-tuloy kami sa pagtatrabaho. Tumitigil nga lang kami kapag hinahatiran kami ng mama niya ng meryenda o kapag yayayaing kumain na sa hapag.
Nang sandaling tumigil siya para
