SINUNOD ko ang payo ni Thelma kahit ang hirap-hirap kumalma sa sandaling iyon. Kailangan kong huminahon at h'wag nang magpadalos-dalos dahil sa mga karanasan ko sa buhay, mas marami akong nagawang pagkakamali dahil hindi ko napag-isipan muna.
Habang abala si Thelma pag-contact kay Royce ay nanahimik ako at nag-isip kung anong dapat kong gawin. Gusto kong puntahan sila ni Lindsay.
"Hindi ko siya ma-contact ," reklamo ni Thelma sabay tingin sa akin. "Umalis na tayo. Iuuwi na kita sa inyo."
Hindi ako natinag, pero tumayo si Thelma at hinatak ako palabas ang coffee shop.
"Mag-abang na tayo ng masasakyan. Tatawagan ko si Royce habang naghihintay."
Hindi ako kumibo. Paano sasagutin ni Royce ang tawag namin kung naroon ito sa tabi ni Lindsay? Naroon siya sa party habang ako ay narito at wa
