"N-NASA'N ang kaibigan ko?" tanong ko kay Itay nang malayo-layo na kami. Kaysa ipakain ko ang sarili sa takot at mga alalahanin, kinakausap ko si Itay para maintindihan na rin kung bakit ginagawa niya ito sa akin. Minsan naman sa buhay niya ay naging anak niya ako. At kahit hindi ko naramdaman ang pagiging ama niya, sanay ay naisip-isip ni Itay na sila ni Inay ang nag-alaga sa akin mula pagkasanggol.
"Ligtas ba si Thelma?" Wala akong ibang nakitang tao roon kaya sana lang ay maayos si Thelma. " Anong ginawa n'yo sa kaniya?" pangungulit ko.
"Hindi ko alam sa kaibigan mo. Wala akong kailangan sa kaniya para pati siya ay isipin ko. Ang importante ay nakuha na kita. Malaya ang kaibigan mo, pero kahit magsumbong siya ay wala na ring mangyayari dahil bukas na bukas ay ikakasal ka na kay Boss P
