"NAKATULOG ka ba nang maayos kagabi?"
Tango lang ang isinagot ni Chay sa akin. Ramdam ko talaga ang kalamigan niya. Masama ba ang loob niya dahil umalis ako kagabi? Ano kaya? May napanood kaya siyang blog ni Lindsay? Naalarma ako nang maisip na pwedeng ma-edit nga ang video. I quyickly took out phone and searched for it.
Wala naman akong nakita. Kahit kapirasong video na kuha sa party ay hindi mahanap sa internet. Itinago ko na ulit ang cellphone ko. Baka nga nagtampo si Chay dahil hindi ako umuwi.
"Hindi agad ako nakabalik kaninang madaling-araw. I was dead tired and sleepy. Nasabi naman siguro ni Thelma na nagbilin ako sa kaniyang sabihin sa'yo na umalis ako?"
"Oo, nasabi niya."
Ngumiti ako nang sa wakas ay kausapin niya. Lumapit ako at nilambing-lambing si Chay.
"Royce, h'wag ka
