Erlinda
HINDI lang elegant dress ang binili niya sa akin. Sinamahan niya rin ang mga ito ng mga casual clothes na mamahalin, mga sapatos na halos hindi ko kayang isuot sa takot na madumihan, at ilang accessories na ni minsan ay hindi ko naisip na mahahawakan ko. Para akong inihahanda niya para sa isang bagong mundo na hindi ko alam kung bagay ba talaga sa akin.
Ipinasok niya rin ako sa isang Beauty & Wellness Salon, kung saan hindi lang buhok ko ang inayos—kundi pati mga kuko ko ay nilinis nila. May foot spa pa at masahe, na halos ikatulala ko dahil hindi ako sanay sa ganitong pag-aalaga.
Para rin akong matutunaw dahil sa buong oras na 'yon ay nakatitig lamang sa akin si Sir Jonnel habang nakasandal sa salaming pader nitong salon at naka-cross arms.
Nang matapos ay halos hindi ko na m
