***** CARA *****
“Hon?” pukaw ng kapapasok lang sa bahay na si Evo sa asawa.
Sabay na napatingin sina Eunice at Cara rito. Blangko ang ekspresyon ng mukha ni Eunice, habang si Cara ay nagbaga agad ang mga mata niya. Gusto agad manakit ang hitsura ni Cara. Kitang-kita sa nagpupuyos niyang mukha. Nakatiim-bagang siya at kanina pa nakakuyom ang kanyang mga kamao.
Mga tatlong oras din na hinintay nila si Evo dito sa bahay nila. Kinailangan niya pang uminom ng stimulants upang manatili siyang gising kahit walang kasiguraduhan. Minsan kasi kahit iinom pa siya ng stimulants ay nakakatulog pa rin siya. Umaasa at nagdasal na lang siya kanina na huwag naman sana dahil kailangan talaga niyang komprontahin ngayon ang asawa. Once in for all ay mag-uusap sila at kung kinakailangang hiwalayan niya it
