***** EUNICE *****
TINANGGAL ni Eunice ang pagkakatali ng kanyang buhok ora mismo na nakapasok siya sa loob ng bar. Sinuklay niya iyon gamit ang mga daliri niya at saka tinanggal ang coat niya kaya iyong itim na one side tube blouse na lang ang natira. Isinampay niya ang coat niya sa braso niya. Pagkatapos ay taas-noo at pakendeng-kendeng na siyang lumakad. Sa isang iglap ay parang naging ibang tao na siya. Ang hinahangahang dalaga sa loob ng classroom ay naging liberated na.
Natanawan niya agad ang table nina Evo pero hindi niya tinungo iyon. Sa halip ay sa may bar counter siya nagtungo. In-order niya ang favorite niyang hard drink.
Kung makikita lang siya ngayon ni Cara ay malamang mapapamulagat iyon. Walang kaalam-alam kasi ang kaibigan niya na iyon na may night life din siya. Na a
