***** RUCIA *****
Hindi mapigilan ni Rucia ang paikutin ang kanyang mga eyeballs nang itinuro sa kanya ni Eyrna at Jella ang kinaroroonan ni Evo na table. Late na siyang pumasok sa bar kaya ngayon lang niya nalaman na naririto ang asawa ni Cara at nagpapakalasing. Kanina ay hinahanap nga raw siya. Gusto raw siyang makausap. Pero dahil late siyang papasok dahil may emergency ukol kay Santiago, tinakbo sa ospital ang matanda dahil sa mild stroke, ay nagpasiya na lang daw si Evo na hintayin siya. Nga lang sa sobrang tagal niya ay mukhang naglasing na lang ang loko.
“Ano raw ang sasabihin niya sa akin?” tanong niya sa dalawang kaibigan. Hindi siya makakita kasi ng dahilan upang puntahan pa siya rito ni Evo. Ang alam niya kasi, mula umuwi na ng probinsya si Cara ay tapos na ang role niya sa m
