***** CARA *****
INILAPAG ni Cara ang librong binabasa niya. Nawalan na siya ng gana kahit pa ang ganda na ng plot twist ng istorya. Paano’y mag-a-ala una na ay wala pa rin ang hinihintay niyang si Evo. Alam niya dahil hindi siya ngayon sa study room niya nagbabasa kundi dito na sa kuwarto nilang mag-asawa.
Earlier, she called Evo in the office, but she only spoke to his secretary. At ayon sa secretary ay wala na raw kanina pa si Evo sa office. At kung alas-otso pa ang tawag na iyon ay dapat kanina pa nakauwi ang kanyang asawa dito sa bahay nila.
Napasintido siya.
Gusto niyang sundin ang payo sa kanya ni Eunice na huwag niyang pag-isipan ng masama ang kanyang asawa, pero anong magagawa niya kung lagi naman nang ganito umuwi si Evo. Noon naman kahit pa over time ang kanyang asawa sa
