Nathan's POV
Hindi niya inaasahan na dadatnan niya si Ellie na naka pajama lang na para bang hindi man ito nag effort na mag ayos kahit alam naman nitong darating siya. Medyo nasaktan siya at nag iba ang kanyang pakiramdam, na para bang balewala na siya sa asawa ngayon.
Kilala niya si Ellie na hindi kayang humarap sa kanya nang hindi nakaayos at maganda sa kanyang paningin. Kahit noong magsama sila sa bahay at sa iisang silid laging nakaayos at kaakit-akit ang asawa sa kanyang paningin na tila ba sadya siya nitong inaakit, pero ngayong gabi iba ang nabungaran niya. Malaking pajama na terno na may mahabang manggas, walang sapin sa paa. Hindi naman niya masasabing magulo ang buhok nito, bumagay naman kasi rito ang pagka messy bun ng buhok nito. Pansin din niyang wala ni ano mang make up s
