Tinawagan siya ni Nathan para sabihin na pupuntahan siya nito sa penthouse para mapag-usapan nila ang tungkol sa kanilang annulment. Aayaw sana siya kaya lang baka isipin nito na apektado pa rin siya rito kaya iniiwasan niya itong makaharap. Kahit naman yata tumanggi siya pupuntahan pa rin siya ni Nathan.
Pa gabi na at natataranta siya kung ano ang isusuot niya pag hinarap niya si Nathan. Ayaw niyang mag overdressed at baka isipin ni Nathan na pinaghandaan niya ang pagpunta nito sa penthouse niya. Isama pang wala siyang ibang kasama sa penthouse kundi siya pang mag isa. Naisip nga niyang tawagan si Inigo para sana may makasama siya, pero hindi na lang niya tinuloy dahil tiyak na gulo lang ang mangyayari pag nagkaharap ang dalawang lalake, katulad nang nangyari sa airport noong paalis na s
