Kay bilis ng pangyayari, noong isang araw lang may multo kuno sa Mansyon ngayon ay prayer meeting na. Hindi na kasi magkaugaga ang magkapatid na Adrian at Logan na mapadasalan muli ang Mansyon. Buhat kasi noong may multo kuno na nakita ni Aqua ang kanilang mga kasamahan magugulatin na. Lalong-lalo na ang magkapatid na Logan at Adrian. Samantalang parang wala lang naman kay Hiro dahil kapwa naman nila alam ni Aqua kung ano ang totoo.
"Siguro naman ay matatahimik na ang kaluluwang nakita mo Aqua." Wika ni Logan nang tapos na ang prayer meeting.
Abala na ang mga dumalo sa pagkaing naihanda. Kanya-kanya na sila nang topic at kumpulan. Hindi naman malunok- lunok ni Aqua ang kanyang pagkain. Inuusig pa rin siya ng kanyang konsensya. Pati padasalan ay nadamay na sa kalokohang nagawa niya na din
