"Hapon, 'Lai, ano sa palagay ninyo? May intruder ba talaga? I mean, ayon kay Master MX mag-double ingat at double check daw tayo. Kapag ganyan ang bilin intruder naman 'diba?" ani Charlotte sa harapan ng dalawa.
"Iyan ang aalamin natin, 'Lotte. Pero maari bang pumirme ka naman sa isang sulok. Aba'y mas hindi ako makapag-isip-isip nang gagawin natin eh. Alam mo bang nakakahilo ka." Hinila ng una ang kapwa dalagita na parang hilong talilong sa kapaparoo't parito.
"Eh, nababahala nga ako kapatid. Hindi naman siguro tayo bingi para hindi narinig ang pahayag kanina ni Master MX," tugon nito.
"Oo, nandoon na tayo, 'Lotte. Pero huwag mo ring kalimutan ang itinuro nila sa atin na huwag magpahirestikal sa oras ng problema. Dahil mas wala tayong maiisip kapag nagpapadala tayo sa ating emosyon. La
