Two year later...
"Sa wakas ay may nakabihag na sa puso mo, Kuya Khim. Congratulations." Nakangiting inilahad ni Princess Angela ang palad sa kapatid niya.
"At sa unang pagkakataon ay narinig kitang tinawag mo sa tunay na pangalan si Kuya Khim," wika naman ni Max Hunter.
"Sila rin ng hipag natin ang una kong kinasal." Ayaw ding magpatalo ng officiating priest na si Luke Joshua.
Dahil sa sunod-sunod na pagbibiro ng tatlo ay inunahan ng groom ang Kuya Khem nila. Araw ng kasal niya ngunit siya ang pinagtutulungan.
"Huwag mong sabihing mangangantiyaw ka rin, Kuya? Aba'y maawa ka naman sa akin. Hayaan mo na ang triplets dahil talagang trademark na nilang tatlo iyan." Nakatawa niya itong binalingan.
"Bakit ka ba defensive, Master Khim? Aba'y ayaw mo ba iyon, masaya ang lahat dahil ikinasal
