Chapter 48:
Hindi matanggap nila mommy na hiniwalayan ko si Karlo at binalikan ko si Calvin. Akala ko tapos na ang paghihirap ko. Akala ko, magiging maayos na ang lahat dahil buo na talaga ang pamilya ko. Ang totoong pamilya ko.
Pagkatapos ng araw na 'yon ay hindi na ako nakatanggap ng tawag o text manlang galing sa kanila. Ilang araw na akong iyak ng iyak. Gusto ko na lang talagang umalis. Naalala ko ang huling sinabi sa akin ni mommy.
"Ang unang pagkakamali ay hindi mo kasalanan, pero ang pangalawa at sumunod pa, katangahan na yan. Mamili ka, kami o yang lalaking sumira ng buhay mo."
Hindi ko napigilan ang muling pagbagsak ng luha sa aking mga mata habang nagliligpit ng mga gamit. Balak kong takasan ang lahat ng ito kasama si Calvin. Oo pinipili ko si Calvin. Ganon na yata talaga ako
