JULIE
Tatlong araw na ang nakararaan, pero hanggang ngayon, hindi pa rin nawawala sa isip ko ang nangyari no'ng gabing iyon dito sa pastry shop ni Cyprus. Hanggang ngayon, nag-e-echo pa rin sa utak ko ang huling sinabi ng isa sa mga kaibigan niya.
"So, siya nga?"
"Anong siya nga?"
"’Yung tinutukoy mong last na naka-date mo na gusto mo."
Sa tuwing naaalala ko ang huling pangungusap na sinabi ng Dave na 'yon, bumibilis at lumalakas ang t***k ng puso ko. At may isa ring pangyayari na bigla na lang nag-iinit ang pisngi ko dahilan para mamula ang mukha ko.
Ewan ko ba kung anong nangyayari sa 'kin. Para bang may kung anong init at saya akong nararamdaman sa puso ko kapag naaalala ko ang mga salitang 'yon. At minsan nga, matatagpuan ko ang sarili kong tulala at napapang
