LEONNE
Hinawi ko ang buhok na tumatabing sa mukha ni Aivee bago muli siyang titigan. Mahimbing pa rin siyang natutulog sa kama ko. And until now, nag-e-echo pa rin sa isip ko ang mga sinabi niya sakin kagabi.
May kasabihan na kapag nalasing ang isang tao, doon lumalabas ang totoong nararamdaman nila.
So, totoo ba ang sinabi mo, ha? Totoo bang mahal mo pa rin ako? hindi ko naiwasang itanong sa sarili ko nang maalala ang binitiwan niyang mga salita.
Isang titig pa sa mukha niya bago ako nagpakawala ng isang malalim na buntong-hininga. Nakapagdesisyon na ko. Susubukan ko ulit.
Dahil kahit anong tanggi pa ng utak ko na wala na kong nararamdaman sa kanya, doble naman ang pagtutol ng puso ko. Pilit ko mang kumbinsihin ang sarili kong hindi ako nagseselos, taliwas naman ito
